إهداء من القلب من الشاعر / صفى الدين ريحان بمناسبة تنصيب الحاج / إبراهيم أحمد منصور بشار عمدة لقرية كفر الشنهاب

إهداء من القلب
من الشاعر / صفى الدين ريحان
بمناسبة تنصيب
الحاج / إبراهيم أحمد منصور بشار
عمدة لقرية كفر الشنهاب
*************
ريسنا قمر والنور مبدور
الطير فرحان والنيل مبهور
الكون صور كفر الشنهاب
الكفر عليه عناقيد النور
فى حقل تنصيب عمدتنا
الانسجام داير ما يدور
ياحبيب العادلى يا وش الخير
الكفر منور بالمأمور
نواب الدايرة يا محترمين
بيكم ح نطير ونمد جسور
وبنفخر بيكو ف كل مكان
وبنهديكم نياشين وعطور
سيد يا جلال بنرحب بيك
وسط الجماهير جهدك مشكور
والحزب الوطنى بيفخر بيك
وبنهديك رياحين وزهور
حضرة عمدة كفر الشنهاب
الله يكفيك شر الإرهاب
كل الناحية بتحسدنا عليك
يا ابو سامح يسلم من جاب
يوم تنصيبك عندنا يوم عيد
والفرح دق على الأبواب
والفرح يا با ف طبعه قليل
نفحة قدر مسطور ف كتاب
يسم الفراودة ولاد النيل
وعموم جماهيرنا شيوخ وشباب
وباسم نجم المحاميين
باسم الحبايب والأصحاب
بنسجل لك كل التقدير
وبنهديك كل الإعجاب
بنهنى الكفر عليك يا أمير
ويكون لنا جنبك برده مناب
سبحان العاطى الوهاب
والله وخضر فرع اللبلاب
على ابراهيم منصور بشار
هل القمر والضى انساب
يا ابو يامح ألفين مبروك
على عمودية كفر الشنهاب
للتنمية والاستقرار
ياعمدة خطى الأعتاب
ومن ينكر لقى الأرواح
فى ليل الحظ والأفراح
ما نش عويم لكن سباح
فى كون كله صفا وسماح
منايا الطهر والإصلاح
من يومى فصيح لماح
أنا المرسا وانا الملاح
لا خوف اعرف ولا اشباح
ينام ع الجسر ع الرشاح
وع الفطرة يعيش مرتاح
أنا الزيت اللى ف المصباح
وبغزل من دموعى صباح
وابويا ازد احمد المصرى
وطول عمرى ومن صغرى
باشيل حملى على ظهرى
واسلم للسما أمرى
وانا اللى رقبتى سدادة
وكفى دية سنادة
وامى الطاهرة ولادة
تقاوى الخير ومدادة
فى قلبى زاد وزوادة
وفرض وسنة وعبادة
وكف العيلة يا سادة
لولد الولد وزيادة
إنى امبارح وبكره الجاى
لانى جاحد ولا نساى
وكيف أنسى صوانى الشاى
ويه الصحبة وصوت الناى
أشق الأرض بإيديا
فى صحبة مندية
ولاغى الغلة بالساقية
وقرص الشمس والمية
وأرويها بحنية
من الشوق اللى ف عنيه
مانيش عويم لكن سباح
فى كون كله صفا وسماح
***********
مع تحيات
الشاعر / صفى الدين ريحان
شاعر الدقهلية الأول
وعضو اتحاد كتاب مصر
وعضو جمعية المؤلفين والملحنين بباريس