مرحباً بكم فى واحة الشاعر صفى الدين ريحان
سمير الإنجازات
ـــــــــــــــــــــــــــــــــــ
وقف التاريخ لحظات
فوق أرض التضحيات
مبهور بجزيرة الورد
عظم وضرب سلامات
رفرف بجناحه ساعات
فى رحاب أشرف ساحات
ساحة الجندى المجهول
وفتح أبهى الصفحات
مش من عمر المنصورة
مفخرة الانتصارات
محظيه مصر مبارك
لؤلؤة الإنجازات
وهتف تحيا المنصورة
وتعيش أم البطولات
وبأسمى آيات ومشاعر
انحنى قدامنا وفات
وسمير سلام محافظنا
حواليه كل الكفاءات
جوه المقصورة منور
على وشه تجليات
وسمير سلام المبدع
أبدع سلاميات
سلاميات سلام
بتموج بالابتكارات
بالحسم وبالإصرار
تركت أجمل بصمات
وانتصرت للإبداع
وبتقتحم الأزمات
سلاميات ماسية
فكت كل الشفرات
واتسمت بالشفافية
وبتختصر المسافات
وسمير سلام المبهر
له منى ثلاث سلامات
سلاما سلامات سلامات
يا سمير الإنجازات
وسمير سلام المصلح
هل بأغلى النفحات
للتنمية البشرية
شكل أحدث إدارات
زودها بآخر صيحة
وبأعلى التقنيات
وبقت للنهضة مرايا
وحباها بصلاحيات
وبدأ من أول لحظة
حرب ف كل الجبهات
ضد الباطل وجيوبه
على كل المستويات
وجعل نبض الجماهير
معزوفة حريات
ومطالبنا المشروعة
مصدر للتشريعات
وسمير سلام المنصف
تأشيرته تحريات
فاحص من تحت المجهر
عرض على النايل سات
إدانا كتير من وقته
للرد على الفاكسات
وبيحمى أى تظلم
ويوفر له الضمانات
برأ ساحة أملاكنا
من أى تعديات
وأقر حقوقنا الثابتة
ورفع للحق رايات
وحمى الإسكان الشعبى
من شر الديناصورات
وشرور الإنتهازية
وصقور الإنتخابات
وبعد بالصرف الصحى
عن تصفية الحسابات
قنن أوضاعه بحكمة
وانتشله من المتاهات
محافظنا مخلص وشجاع
مش لابس ماسك ولا قناع
ولا تاجر كلمة وأوهام
ما اتغشش ببريق خداع
إتواجد بين الجماهير
عينى عينك ملىء الأسماع
ما خضعش لهوى وأطماع
ولا نزوة ولا لوى دراع
ولا نخ لحملة تشهير
ولا مره لتهديد انصاع
ضاعف م الطاقة الخلاقة
جوانا بحب وإقناع
محافظنا فاز بالإجماع
إتحدى وعدل الأوضاع
فى الشارع ضبط الإيقاع
واتصدر ركب الإبداع
ــــــــــــــــــــ
تأليف الشاعر الغنائى صفى الدين ريحان
عضو اتحاد كتاب مصر
عضو جمعية المؤلفين والملحنين بباريس
ليست هناك تعليقات:
إرسال تعليق